РФ-ни Чакъырыв кагъызыны айлансында

РФ-ни Чакъырыв кагъызыны айлансында


" РФ-ни Президенти Владимир Путинни 17-лей РФ-ни Федерал Жыйынына йиберген Чакъырыв кагъызы агропромышленный тармакъны къуллукъчуларын да теренден ойлашдырмай къоймады. Неге десегиз, пачалыкъны сурсат аманлыгъы ва халкъны савлугъу оланы къоллайгъан ашыны къадарындан ва сан янындан гьасил бола.


Дагъыстан Россияны лап да къыблабой дазусунда ерлешген аграр республика гьисапда танывлу. Муна шо саялы да, уьлкебизни яшавлукъ-экономика масалаларын ёрукълашдырывда ва шолай да мердешли ерли тармакъланы оьсдюрювде бар имканлыкъланы къолламасакъ бажарылмайгъаны гьакъ. Тюзюн айтсакъ, шо да агропромышленный тармакъда чалышагъанланы сыйлы борчларына намуслу кюйде янашывундан гьасил бола.


Шо гьакъда айта туруп оьзюню Чакъырыв кагъызында Россияны Президенти 2020-нчы йылда уьлкебизни агропромышленный тармагъында къолда этилинген натижаланы гьакъында айрыча эсгермей болмады. Дагъысын айтмагъанда, оьтген йыл янгыз Дагъыстанда тюшюм береген юзюмлюклени умуми майданындан 208 минг тон татли емиш къайтарылды. Шо да Россияны регионларыны арасында лап да гёрмекли натижа десек гьакъыкъатгъа къыйышмай къалмас.


Елгили болгъан кююнде, 2020-нчы йылда дагъыстанлы чалтик оьсдюрювчюлер 111 минг тон акъ бюртюк къайтармагъа бажарды. Шо да алдагъы йыллар булан тенглешдиргенде 30 минг тонгъа ювукъ артыкъ болуп чыкъды. Гёрмекли натижалагъа бизин республикабызны агропромышленный комплексинде гьайванчылыкъ ва оьсюмлюкчюлюк тармакъларында да етишилген.


Айтмагъа сюегеним, айлана якъда коронавирус аврувну яйылывуна байлавлу билдирилген карантинге ва оьзге чет маслалагъа да къарамалй юрт хозяйствону къуллукъчулары гьаракатын бошатмай чалыша. Озокъда, гьалиги заманда чакъны четимли шартларына гёре юрт хозяйствону асувлу кюйде юрютмек учун илмуну ва сынавну алдынлы къайдаларын пайдаландырмасакъ бажарылмай. Шону учун республика ва федеарл бюджетлерден ломай харжлар айырылагъаны гьакъда да айрыча эсгермеге тюше", - Батдал Батдалов, Др-ни юрт хозяйство ва сурсат министри.