Къызлар юртда янгы школа къурулажакъ

20 января 2021 в 20:50 151
Темиркъазыкъ Осетия-Аланияны Моздок районуну Къызлар юртунда 500 охувчугъа гьисап этилген янгы школа къурулажакъ.

Билдирилеген кюйде, къурулуш ишлер «Билим берив» деген милли проектге гёре юрюлежек ва шогъар 130 миллион манат бакъдырылгъан. Шо харж школаны бинасындан къайры да, спорт майданлар, машинлер токътайгъан ерлер ва билим берив ожакъны айланасын яшылландырывгъа къолланажакъ.

Юртда иш гёреген эки школаны биналары эсгиленген, гиччилик эте ва шо саялы охувчулар дарслагъа эки тиретде юрюмеге борчлу болгъан. Гьасили, школаларда билим беривню янгы къайдаларын къоллавну гьакъында чы сёз де юрюлмей.

Проектни яшавгъа чыгъыву булан бирге Къызлар юртда билим берив де янгы къатгъа чыгъарылжакъгъа умут тува.

Къызлар Темиркъазыкъ Осетия-Аланияда ерлешген уллу къумукъ юртланы бири ва юртну халкъыны санаву 11 минге ювукъ экенни эсгермеге сюемен.