Хасавюрт района 81 йыллыкъ къатын вакцина этдирген

19 марта 2021 в 23:14 73
Чагъаротарлы 81 йыллыкъ Александра Шахгереева коронавирусгъа къаршы вакцина этдирген.

Вакцина этгенче алдын Александра Шахгерееваны терапевт толу кюйде тергеген, ол огъар коронавирусгъа къаршы вакцина этмеге оьзю кёп сююп гелгенни айтгъан.

«Мен оьзюм де медицина тармакъдагъы адамман. Бизин наслу – жаваплы наслу ва, эгер пачалыкъ оьлчевде уллу чагъына етгенлени гьайын этеген болгъан сонг, биз баракалла билдирмеге герекбиз. Бугюн коронавирусдан сакъланмагъа дагъы чара ёкъ. Мен шо аврув нечик яйылып башлагъанны гёрдюм, гьакъыкъатда мени ювукъ адамларыма да юкъду. Болгъан сайын кёп адам вакцина этдирсе, шончакъы тез биз шо аврувдан арчылланып, парахат яшавгъа къайтажакъбыз», -- деген вакцина этдирип битген сонг Александра Шахгереева.