Къутлайбыз!

19 января 2018 в 23:07 1850
Къутлайбыз!
  Оьтген йылны ахырынчы гюнлеринде  Дагъыстанны Башчы­сыны борчларын заманлыкъгъа кютеген Владимир Васильев республиканы оьсю­вюне гьар тюрлю тар­макъларда айрыча гьаракатын болдургъан бизин ватандашлары­бызгъа пачалыкъ савгъатлар тапшурду. Оьр пачалыкъ савгъатлагъа лайыкълы болгъанланы арасында ДР-ни язывчуларыны къумукъ секциясыны ёлбашчысы, Дагъыстанны халкъ шаири Шейит-Ханум Арсланалиевна Алишева да бар. Дагъыстанны милли адабиятыны оьсювюне этип гелеген макътавгъа лайыкълы къошуму, олай да жамият ишлерде жагь гьаракаты гьисапгъа алынып, ол «Дагъыс­тан Республиканы алдындагъы къуллукълары учун» деген орден булан савгъатлангъан.

 Бизин газетни бары да къуллукъчуларыны ва охувчуларыны атындан  Ш. Алишеваны къутлайбыз, гележекде де огъар яратывчулукъ оьрлюклер ёрайбыз. 


 

«Ёлдашны» редакциясыны къуллукъчулары