2013-нчю йылда Дагъыстан Республиканы ёл юрюш низамыны натижалары гьакъында республиканы УГИБДД-сини начальниги В.Громов берген англатывгъа гёре йылны боюнда болгъан авариялар ва оланы авурлугъу гьар айда бир оьлчевде болмагъан. Буса да пачалыкъ автоинспекцияны къуллукъчулары оьтгерген профилактика чараланы натижасында республикадагъы хатабалагьлагъа тарыйгъанлыкъны бираз ёрукъгъа салма бажарылгъан.
2013-нчю йылда республиканы ёлларында 1386 авария болгъан. Шоланы натижасында 482 адам оьлген, 1879 адам яралангъан.
Яшланы хатабалагьгъа тарыйгъанлыгъы 8,7 процентге аз болгъан буса да, гьар 9 аварияны бири – яшлар булан байлавлу. Аварияларда яшлар оьлген гезиклер Дагъыстанда Темиркъазыкъ-Кавказ федерал округдагъы бары да республикалардан кёп. Гетген йылны декабр айында ва бу айны 16 гюнюнде авариялар ва оларда оьлген адамланы санаву артып тербей. Январ айны 16 гюнюнде республикада 47 авария болгъан ва оларда 23 адам оьлген. Оьлгенлени арасында 3 яш да бар. Гетген йыл булан тенглешдиргенде, оьлгенлени санаву бу йыл 15 процентге артгъаны гёрюне.
Гетген йыл болгъан автоаварияланы аслу себеби – яяв юрюйгенлени транспортну тюбюне тюшегени булан байлавлу. Яяв юрюйгенлер авариягъа тюшюп, Магьачкъала шагьарда 128 адам оьлген. Шо санав савлай республикада оьлгенлени яртысы бола.
Аслу гьалда авариялар автотранспортну гьайдавчуларыны чалт гьайдаву булан байлавлу. Эсирип автотранспортну гьайдайгъанланы гюнагьындан хатабалагьгъа тарыйгъанланы санаву 15 процентге кемиген. Алдагъы йылда шо себепден оьлгенлени санаву 42 процентге, яралангъанланы санаву 14 процентге кемиген.
Адамлар ташыйгъан автотранспорт булан байлавлу гьал да айтардай яхшы тюгюл. Адамлар ташыйгъан автотранспортну гьайдайгъанланы гюнагьындан 34 автоавария болгъан ва оларда 15 адам оьлген, 41 адам яралангъан.
Автотранспортну техника яныны бузукълугъундан болагъан авариялар да 2013-нчю йылда артгъан. Шо себепден болгъан 35 аварияда 25 адам оьлген ва 55 адам яралангъан.
УГИБДД-ни къуллукъчулары мухбирлер берген соравлагъа жаваплар къайтара туруп, республикада ва Темиркъазыкъ Кавказ бойда болгъан террорчулукъ ишлер себепли болуп, автотранспортну законсуз токътатагъан ва тергейген гезиклеге англавлу янашмакъны тиледилер. Сочи шагьарда болажакъ къышлыкъ Олимпиада булан байлавлу шолай гезиклер ювукъ заманны ичинде тез-тез болажагъы гьакъда айтылды.
2013-нчю йылда республиканы ёлларында 1386 авария болгъан. Шоланы натижасында 482 адам оьлген, 1879 адам яралангъан.
Яшланы хатабалагьгъа тарыйгъанлыгъы 8,7 процентге аз болгъан буса да, гьар 9 аварияны бири – яшлар булан байлавлу. Аварияларда яшлар оьлген гезиклер Дагъыстанда Темиркъазыкъ-Кавказ федерал округдагъы бары да республикалардан кёп. Гетген йылны декабр айында ва бу айны 16 гюнюнде авариялар ва оларда оьлген адамланы санаву артып тербей. Январ айны 16 гюнюнде республикада 47 авария болгъан ва оларда 23 адам оьлген. Оьлгенлени арасында 3 яш да бар. Гетген йыл булан тенглешдиргенде, оьлгенлени санаву бу йыл 15 процентге артгъаны гёрюне.
Гетген йыл болгъан автоаварияланы аслу себеби – яяв юрюйгенлени транспортну тюбюне тюшегени булан байлавлу. Яяв юрюйгенлер авариягъа тюшюп, Магьачкъала шагьарда 128 адам оьлген. Шо санав савлай республикада оьлгенлени яртысы бола.
Аслу гьалда авариялар автотранспортну гьайдавчуларыны чалт гьайдаву булан байлавлу. Эсирип автотранспортну гьайдайгъанланы гюнагьындан хатабалагьгъа тарыйгъанланы санаву 15 процентге кемиген. Алдагъы йылда шо себепден оьлгенлени санаву 42 процентге, яралангъанланы санаву 14 процентге кемиген.
Адамлар ташыйгъан автотранспорт булан байлавлу гьал да айтардай яхшы тюгюл. Адамлар ташыйгъан автотранспортну гьайдайгъанланы гюнагьындан 34 автоавария болгъан ва оларда 15 адам оьлген, 41 адам яралангъан.
Автотранспортну техника яныны бузукълугъундан болагъан авариялар да 2013-нчю йылда артгъан. Шо себепден болгъан 35 аварияда 25 адам оьлген ва 55 адам яралангъан.
УГИБДД-ни къуллукъчулары мухбирлер берген соравлагъа жаваплар къайтара туруп, республикада ва Темиркъазыкъ Кавказ бойда болгъан террорчулукъ ишлер себепли болуп, автотранспортну законсуз токътатагъан ва тергейген гезиклеге англавлу янашмакъны тиледилер. Сочи шагьарда болажакъ къышлыкъ Олимпиада булан байлавлу шолай гезиклер ювукъ заманны ичинде тез-тез болажагъы гьакъда айтылды.
