–Бугюн биз арабызда барман деген, оьз­лерден биз оьктем болагъан, уьлгю алагъан алимлерибизни, шаирлерибизни къутлама, олагъа оьзюбюзню сюювюбюзню, гьюрметибизни аян этме жыйылгъанбыз, –деп башлады сёзюн Ш.Алишева.– Абдулгьаким Гьажиев, Салав Алиев, Гьасан Оразаев, Магьамматнаби Халилов – къумукъ халкъны белгили, абурлу адамлары. Юбилей тархлары булан оланы гьакъ юрекден къутлайман. Савлукъ, узакъ оьмюр, яратывчулукъ ишинде оьрлюклер ёрайман.

Ондан сонг сёйлеген профессор Абдулкъадир Абдуллатипов, Дагъыстанны халкъ шаири Агьмат Жачаев, шаирлер Багьавутдин Гьажиев, Супиянат Мамаева оьрде эсгерилген язывчуларыбызны, шаирлерибизни гьарисини яратывчулугъуну гьакъында хабарлады, оланы къутлады.

Дагъыстанны язывчуларыны союзуну правлениесини председатели Магьаммат Агьматов да юбилярланы къутлай туруп, гьарисини яратывчулугъуну гьакъында айтды ва олагъа Язывчуланы союзуну правлениесини Гьюрметлев грамоталарын тапшурду.

Бизин мухбирибиз.

Суратда: ёлугъувну вакътиси.