Бугюн, август айны 22-синде, Цумада районну Агвали юртда, олай да Ботлих юртда Россияны байрагъына ва бизин республикада халкъара бандит уьюрлер дагъытылгъаны 25 тамамланагъанына байлавлу гьаракатлар оьтгерилди.
Дагъыстанны яшёрюмлерини ишлерине къарайгъан министрлигини сиптечилиги булан оьтгерилеген шо гьаракатда эсгерилген районланы гьакимлик къурумларыны жаваплы къуллукъчуларындан къайры да, жагьиллени ва яшёрюмлерини жамият бирлешивлерине къуршалгъанлар, республика газетлени мухбирлери ортакъчылыкъ этди.
Оьтгерилген гьаракатны барышында 25 йыл алъякъда болуп гетген къайгъылы агьвалатланы ортакъчыларыны эсге алывларына тангламагъа имканлыкъ берилди.
Россияны уьч тюслю байрагъы да яйылды. Уллу Ватан давда, олай да Афгъан давда, Дагъыстанны эркинлигин сакълап, жанын къурбан этгенлени эсделигине гюллер салынды
