«Игитлени заманы» деген пачалыкъ агьамияты булангъы программагъа гёре Россияны Игити, Украина бойдагъы хас асгер гьаракатны ортакъчысы Темирлан Абуталимов Дагъыстанны Башчысыны ва Гьукуматыны янында сынав стажын кютюв булан машгъул бола.
Бугюнлерде ДР-ни Башчысы Сергей Меликов ону булан болгъан ёлугъувда гьакимият къурумлар учун тарыкълы касбучуланы гьазирлевню ва танглавну гьакъында гьакълашгъан.
– «Игитлени заманы» деген программада ортакъчылыкъ этегенинг негьакъ болмажагъына инанаман ва шо гьаракатда сагъа уьстюнлюклер ёрайман, – деген Сергей Алимович. – Эркин къайдада оьтгерилеген программада Украинадагъы хас асгер гьаракатны игитлери–къагьруманлары ортакъчылыкъ этегени къайсыбызда да разилик, гележек учун инамлыкъ тувдура. Неге десегиз, бизин пачалыкъны пайдаларын якълап асгер гьаракат юрюлеген бойларда офицер корпусну лап да лайыкълы вакиллери асгер къурдашларына уьлгю гёрсете.
– Сынав стажымны кютмеге анадаш республикама бакъдырылгъаным мени учун да асувлу болажагъына шеклик этмеймен, – деген ёлугъувну вакътисинде Темирлан Абуталимов. – Дагъыстанны ва савлай Россияны оьсювюне къолумдан гелеген кёмекни болдурма къаст этежегиме сизин де инандырма сюемен.
КЪ. КЪАЗАКЪМУРЗАЕВ.
