Базар аралыкълар оьмюр сюреген девюрде айлана якъда Россиягъа къаршы билдирилген политикаэкономика къысасланы шартларында пачалыкъны янындан далапчылыкъ булан машгъул болагъан адамланы ва къурумланы ихтиярларын якълавгъа айрыча тергев бакъдырыла. Гьали-гьалилерде шону гертилемек муратда Дагъыстанны прокурору Виктор Эпп ишчи сапарыны барышында Къаягент районда ерли далапчыланы вакиллери булан ёлукъгъан.

Агьамиятлы ёлугъувда Дагъыстанда далапчылыкъ булан машгъул болагъан тайпаланы ихтиярларын якълайгъан вакили Мурат Далгьатов, районну ва шолай да юртлардагъы муниципал
къурулувларыны башчылары, ватандашланы ихтиярларын якълавгъа байлавлу тергев юрютеген къурумларыны ва шолай да къоллавчуланы яшавлукъ-коммунал къуллукъларын кютюв
булан машгъул болагъан къуллукъларыны баш касбучулары ортакъчылыгъын болдургъан.
Ишчи сапарындан къайтгъан сонг Мурат Далгьатов республикабызны маълумат къуралларыны
къуллукъчуларына ишчи сапарны натижаларына байлавлу къысгъаракъ баянлыкъ берген.
– Республиканы прокурору Къаягент районда далапчылыкъ булан машгъул болагъан гьаракатчы
адамланы ихтиярларыпачалыкъны янындан нечик якъланагъаны гьакъда эркин кюйде англатыв
берди, – деди далапчыланы ихтиярларын якълайгъан вакили.

– Увакъ ва орта далапчылыкъ булан машгъул болагъан тайпалар пачалыкъны законларына гёре тегин харж ала. Енгилликлер, кредитлер ва оьзге къуллукълар булан таъмин этилине. Ёлугъувну вакътисинде Пачалыкъ законларда токъташдырылгъан низамны бузулагъан гезиклеринде далапчылыкъ булан машгъул болагъан тайпалагъа оьз ихтиярларын якъламакъ учун прокуратура къурумлагъа билдирмеге гереги гьакъда айрыча буварыв этилди. Ишчи ёлугъувну ахырында Виктор Эпп районну прокуратурасына арагъа салынгъан масъа­ лаланы яшавгъа чыгъарывгъа байлавлу болуп далапчыланы ихтиярларын якълама тюшегенин эсгерип хас тапшурув бергени гьакъда да айрыча эсгермеге тюше.

Къ. Къазакъмурзаев.