Буйнакск районда ерлешген «Костёр» деген яшланы савлугъун беклешдиреген ва ял алывун оьтгереген лагерде «Алдынлыланы гьаракаты» деген жамият къурумну гьаракатчыларыны сиптечилиги булан Украина бойда юрюлеген хас асгер гьаракатны ортакъчылары Осман Шапиев ва Насрутдин Загьиров ёлукъгъанлар.
Къонакълар эсгерилген лагерде ял алывун оьтгереген яшёрюмлеге хас асгер гьаракатгъа къуршалгъан асгерчилени гьар гюнлюк яшаву ва олар гёрсетип турагъан игитликлени гьакъында хабарлагъанлар. Оьзлени къысматларын асгерде къуллукъ эте туруп ана Ватанны аманлыгъын къоруп сакълавгъа багъышлагъан къоччакълар лагердеги яшлар булан болгъан жанлы лакъырлашывуну барышында оланы кёп тюрлю соравларына да тындырыкълы этип жаваплар къайтаргъанлар.
Озокъда, оьсюпторайып гелеген оьрюм яшланы арасында асгер опуракълар да гийип аявлу Ватанны, азиз ата-аналаны ва агьлюлени аманлыгъын къоруп сакълама гьасирет къалып тораягъанлары нечакъы да кёп бар. Олар бу гезик де оьзлени агъалары йимик къоччакъ уланлар янында болуп, асгер яшавну гьакъында хабарлайгъанына тамаша болуп тынглагъандан къайры да алагъан гьар абатында уьстюнлюклер де ёрап, ата-анасыны, кёп сюеген агьлюлерини ва дос-къардашыны янына сав – саламат кюйде къайтып, сююнюп-сююндюрюп яшамакъны айтып билдирдилер .
Гюлзар КАЗИМОВА.
СУРАТДА: «Костёр» деген лагерде оьтгерилген ёлугъувдан
эсделик сурат.
