Дагъыстанны прокуратурасы РФ-ни Пенсия фондуну Дагъыстан бёлюгюню алдагъы башчысы Сайгит Муртузалиевге ва ону уьч къардашына къаршы ачылгъан уголовный ишни судгъа бакъдыргъан.

Ахтарывчулар токъташдыргъан кюйде, фондну управляющийи 2010-нчу йылда бюджет акъчаланы урламакъ муратда, ювукъ адамларын да къуршап, жинаятчы гюп къургъан болгъан. Оьзюню зукъариси булан дыгъар байлап, ону еслигиндеги биналаны фондну гьажатларына ижарагъа алгъан, фондну счётундан герти багьасындан артыкъ тёлеп тургъан ва пачалыкъ къурумгъа 13 йылны ичинде 400 миллион манат зарал гелтирген.

Уголовный ишге Магьачкъаланы Совет район судунда къаралажакъ Белгили кюйде, Сайгит Муртузалиев Россияны спортуну ат къазангъан устасы, тутушуп ябушувдан Олимпия оюнланы чемпиону, бир вакъти Къызлар районгъа башчылыкъ эте эди,  2015-нчи йылда Бирлешген Арап Эмиратлагъа къачгъан ва онда тура.

 

Алав Алиев.