Дагъыстанны милли сиясатгъа ва дин къурумланы ишине къарайгъан министерлиги оьрде эсгерилген ат булан республика оьлчевде конкурс оьтгере.

Эсгерилген конкурсну аслу мурады – Бютюнроссия оьлчевюнде халкъланы милли аралыкъларын беклешдирив булан бирче дос аралыкълар болдурув. Республикада яшайгъан миллетлени арасында бирликни, татывлукъну якълай туруп, гьар тюрлю динлени вакиллерине гьюрмет булан янашагъан даражагъа етишеген кюйню къастын этмек. Бютюнроссия оьлчевде ватандашлыкъны оьр даражалары, ватанын сюювню, Россияны тарихи булан оьктем болувну аламатларын тарбия ишде къолламакъны биринчи ерге салмакъ. Миллетарада байлавлукъланы оьсдюрюв булан бирче гьар ватандашгъа гьюрмет булан янашывну, ата-бабаларыбыздан бизге варисликге къалгъан адат-къылыкъланы юрютювню оьсюп гелеген яш нас­лугъа сингдиривню гьайын эте туруп, тарбиялав ишлерде гьар миллетни тарихин, яшав гьалларын, маданиятын уьйренивге аслу тергев бермек.

Эсгерилген конкурс бир нече номинацияларда оьтгериле:

Россияны халкъларыны милли яшав гьаллары, адатлары;

театр-сагьналашдырыв;

Дагъыстанны халкъларыны тиллеринде шиърулар охув;

видеоролик;

«Дружная семья» деген эссе.

Конкурсда уьстюн гелгенлеге гьар тюрлю савгъатлар берилежек. Гьасиллери сентябр айда белгилене.

Я. БИЙБОЛАТОВ