«Ёлдаш» газетибизни февраль айны 9-нда чыкъгъан номеринде биз Буйнакск районну Капир Къумукъ юртунда яшайгъан бютюн оьмюрлерин асгерде къуллукъ этивге  багъышлагъан Магьамматрасул ва Азинат Загьировланы, уланы Арсенни, къызы Бурлиятны къысматлары гьакъда «Терек емишинден танылыр» деген макъалада язып чыгъаргъан эдик.

Бугюнлерде шо агьлюде тувуп оьсген, тарбия булан билимлер алгъан ва къысматын асгер къуллукъчуну авур болса да абурлу касбусуна багъышлагъан, кёп санавдагъы савгъатлагъа лайыкълы болгъан  медицина къуллукъчу Бурлият Смирнова-Загьирова республиканы кёп миллетли халкъларыны алдындагъы айрыча къуллукълары учун «Дагъыстанны халкъ игити» деген гьюрметли ат ва алтын юлдуз булан савгъатлангъан.

Бурлият Смирнова-Загьирова Украина бойда юрюлеген хас асгер гьаракатында биринчи гюнлеринден тутуп ортакъчылыкъ эте. Ол оьзюню санитар бёлюгю булан инг ал сыдралагъа ерли барып яра тийген асгерчилеге биринчи, лап да герекли кёмегин болдура, явагъан топ-гюллеге де чул бермейли, оланы къоркъунчсуз ерге чыгъара, госпиталлагъа тапшура.

Асгер къуллугъунда гёрсетген къоччакълыгъы саялы младший лейтенант Бурлият Смирнова-Загьирова кёп санавдагъы медаллагъа лайыкълы болгъан. Ата юртунда буса ону эсен-аман  къайтажакъ гюнюн пенсия чагъындагъы ата-анасы, ювукъ къар—дашлары гьасирет кюйде къаравуллай.

Казим КАЗИМОВ.

СУРАТДА: Бурлият Смирнова-Загьирова.