Дагъыстанны Халкъ Жыйыныны Председатели Завур Аскендеров сакъатланы коляскасын сатып алып, оьзюне 9 йыл битеген Хадижат Тагьировагъа савгъат этген. Шо савгъатны гиччиден берли юрюп айланмагъа къыйын аврувлардан азап чегип, ажизленип турагъан къызъяшгъа ону ойчусу Лайла Керимова тапшургъан.
Бизин республиканы парламентини пресс-къуллугъу билдирегени йимик, къызъяшны анасы Мадина Тагьирова оьзюню къызы авруйгъанын рагьмулукъ тюш ашны барышында Халкъ Жыйыныны Председатели Завур Аскендеровгъа айтгъан болгъан. Шолайлыкъда, савгъатгъа коляска алгъандан къайры да, олар савлугъун къолайлашдырмакъ ва беклешдирмек учун Москва шагьардагъы медицина центргъа йиберилеген 100 агьлюню сыдырасына да къошулгъан. Уьлкени тахшагьарындагъы медицина центрда савлугъунтегин беклешдирмек учун ихтияр береген шагьат-намаланы да олагъа республиканы парламентини спикери тапшургъан.
Хадижат Тагьирова оьзюню тенглилерин гёрюп, орамда къатнамагъа имканлыкълар яратагъан савгъат булан рази къалгъан ва Дагъыстанны Халкъ Жыйы-ныны Председатели Завур Аскендеровгъа оьзюню баракалласын билдирген.
Бизин мухбирибиз.
