Ораза байрам

 

Анам тур деп айтгъынча,

Танг булан уянаман,

Байрамны къыдырмагъа

Оьзюм чю уяламан.

 

Анабыз биринчилей

Дорбагъа  савгъат сала.

«Къызым гьакъылтёбе», – деп,

Бир къучакълап да ала.

 

Сонг атам акъча бере:

– Сюйгенинг ал, сююн, –  деп,

Анабыз къарап кюлей:

«Билдинг арив кююн», – деп.

 

Уллу Абай да магъа

Бир  арив къурчакъ бере.

Къурчакъдан сююнеген

Кююмню  Абай биле.

 

Гьаливалар – бал-шербет,

Бишген тюрлю ашлар да.

Байрам къыдырма башлай

Уллулар да, яшлар да.

 

Къонакъланы къаршылап,

Уьйде турсам кёп къолай.

Анама кёмек герек,

Байрам гьар заман болмай.