Оьтген итнигюн, апрель айны 1-нде, Хасавюрт районну билим берив управлениесини ёлбашчысы Къырымсолтан Къабардиевни тапшурувуна гёре охув ожакъларда охуйгъан уланлар ва къызлар булан интернет аманлыкъны гьакъында лакъырлашывлар оьтгерилген.
Артдагъы вакътилерде интернет байлавлукъ булан пайдаланагъан оьрюм яшланы алдатмакъны амалын этип, оьзлени пайдасына иш гёреген жинаятчыланы гьаракатындан къорумакъ учун юрюлген шо лакъырлашывланы алдына салынгъан аслу борчларындан болуп токътагъан. Шо гюн охувчу яшлагъа террорчулукъ ишлеге къуршалагъанлардан, олай да оьзге вагьшилик гьаракаты булан адамлагъа зарал гелтирмеге хыял этегенлерден арек болмагъа тюшегени гьакъда айтылгъан. Оьрде эсгерилеген идараны Telegram-каналында шо гьакъда маълумат берилген.
Насрулла БАЙБОЛАТОВ.
