Толмагъан айны айланасында дёгерек болуп ону сюлдюрю гёрюне буса,  ел чыгъажакъ деп ёрала. Жыргъыт ва торгъай къушлар исси якълардан тез къайтып гелген буса, язбаш  исси болажакъгъа инаныв бар. Къушлар оьз­лени уяларын  гюн тиеген якъда тиге буса, яй салкъын болажакъ деп  айтыла. Ер-ерде ав уялар  кёп буса, яйда чакъ  исси бола. Авлакъ чычкъанлар  кёп яйылгъан буса,  ашлыкълардан  мол гелим къаравулламагъа тюшмей. Къарлы­гъачлар лап  тёбен тюшюп уча буса, узакъ  къалмай янгур яважакъны белгиси болуп токътай.