Яшда гёрген яшынмас дегенлей, арадан йыллар гетип, эсли чагъынга етишгенде де къуванчлы яшлыкъны аявлу мюгьлетлерине айрокъда муштарлы болабыз. Мени де яш йылларым Къаягент къорукъну лап да ортасында ерлешген гёзел табиаты, загьматгъа берилген адамлары булангъы Гьюсемегентни айлана якъдагъы берекетли бав-бахчаларында оьтдю.
Юртдагъы сегиз йыллыкъ школаны уьстюнлю кюйде тамамлагъан сонг охувумну Къаягентдеги орта билим береген школада узатмагъа тюшдю. Айтмагъа сюегеним, Къулакъам тавну артында икъ ерде орунлашгъан бырынгъы уллу юртну къысматы да магъа оьзюмню гиччи ватаным йимик ювукъ ва аявлу.
Гьали де, чола тюшгенде, Анжиден гьар гезик анадаш районубузгъа бармагъа алгъасайман. Къаягентден оьтген сонг Гьюсемегентге дагъы да 4 чакъырым ёл бар. Шо арада хоншу юртларда билим алгъан йылларынг ва сагъа асил тарбия берген абурлу муаллимлерингни ярыкъ келпетлери гёз алгъа гелип, сагъа илгьам бере.
Къ. КЪАРАЕВ.
СУРАТДА: Гьюсемегентден Къаягент къолунгну аясында йимик гёрюне.
Автор чыгъаргъан сурат.
