Дагъыстанны Башчысы Сергей Меликов оьтгерген хас штабны жыйынында Россияны Президентини Указлары яшавгъа чыгъагъан масъалалагъа къаралды.

 

Шолардан бириси – ватандашланы дыгъар булан асгерге алыв эди. Шо гьакъда алдындагъы гюн Грозный шагьаргъа гелгенде, Россияны аманлыкъ советини ёлбашчысыны орунбасары Дмитрий Медведев де айтгъан.

–Дагъыстанлылар хас асгер гьаракатда ортакъчылыкъ этегенни ва пачалыкъны янындан оьр савгъатлагъа ес болгъаны бизге белгили, — дей С.Меликов. – Шолардан тогъузавуна Россияны Игити деген сыйлы ат бергени де бизин юреклени оьр эте. Хас асгер гьаракатны ортакъчыларыны агьлюлерин даим де тергевню тюбюнде сакълама гереклиги, бизин ватандаш борчубуз.  Шолай тапшурувну Президентибиз В.Путин де берген.

С.Меликов дыгъар булан  асгерге барагъанланы санаву кемигенни гьакъында айта туруп, шо ерли администрацияланы ишини осаллыгъындан ва алдан эсе хас асгер гьаракатны ортакъчыларына этилеген  яшавлукъ якълавлар яхшы экенни айтды.

Дагъыстанны аманлыкъ советини секретарыны орунбасары Давут Унчиев билдирген кюйде, дыгъар булан асгерге йиберив ва толумлашдырыв ишлер давам этилегенни, шо яндан алгъанда Магьачкъала ва Каспийск шагьарлар ишни къурумлу юрютегенни эсгерди.

 

Бизин мухбирибиз.