Эртен алажымчыкъ къычыра буса,  сав гюн чакъ сувукъ болажакъгъа ёрала. Кёкдеги  ай къызылдын болуп гёрюне буса, эртен ел чыкъмагъа, чакъ салкъын болмагъа да имканлы деп гьисап этиле. Шолай да, кёкде  юлдузлар ер-ерде гёрюне буса, эртенге чакъ бузула. Олар кёкде кёп буса, къар явмагъа,  юлдузлар йылтынлана буса, ел чыгъа, чакъ да сувукъ бола. Эгер де, явагъан къар лопа-лопа болуп тюше буса, ювукъ вакътини ичинде чакъ йылы  болажакъ  деп инамлыкъ бар.