Алдагъы гюнлерде Къаягент районну Первомайское деген юртундагъы яшлар бавуна юрюйген гиччипавлар ва орта школаны башлапгъы класларында билим алагъан яшлар этген суратларыны «Сигьручу къыш» деген выставкасы оьтгерилген.
Эсгерилген районну билим берив управлениесини Telegram-каналында билдирилеген кюйде, яшланы яратывчулукъ гьаракатгъа къуршамакъны, шону булан бирге, йылны инг гёзел вакътисини бириси гьисапланагъан къышны гьакъында оланы билимлерин артдырмакъны выставканы сиптечилери оьзлеге борч этип салгъан аслу муратлардан гьисаплангъан. Шондан къайры да, яшлар бавуну ва орта школаны башлапгъы класлары булан аралыкъларын беклешдиривге де тергев берилген.
Яшлар бавуну тарбиялавчулары булан бирче башлапгъы класланы муаллими Н. Шихтурсумова шо выставканы оьтгермеге айрыча къаст этген. Выставкада гёрсетилген яшланы инг яхшы суратлары «Кладовая талантов» деген Халкъара билим берив центры оьтгереген конкурсгъа йиберилген.
Насрулла БАЙБОЛАТОВ.
