Ич ишлени Магьачкъала шагьар бёлюгюне Москвада турагъан къатынгиши муаллимден арза гелген. Арзасында ол ерли эргиши оьзюн алдатып, 260 минг манатын урлагъан деп билдирген.

 

Олар бир-бири булан эки йыл алъякъда таныш болгъан ва ювукъ аралыкълар юрютме башлагъан. Дагъыстанлы эркек герти  къонакъчы хасиятын гёрсетегенни орнуна, къатынгишиден огъар-бугъар тарыкъ деп, гьаман сайын акъча ала болгъан. Артдагъы гезик оьзюне гезикли керен акъча тарыкъ болгъанда Москвагъа гелип, танышындан гючден 260 минг манатны алгъан.

Жинаятчы тутулгъан ва огъар къаршы уголовный иш ачылгъан.

 

Алав АЛИЕВ.