Артдагъы вакътилерде бизин республиканы охув ожакъларында класдан тышда юрюлеген «Агьамиятлы агьвалатланы гьакъында лакъыр» деген гьаракатны оьтгеривге айрыча тергев берилип геле.
Шолай, алдагъы гюнлерде оьтгерилген эсгерилген гьаракат бары да дегенлей охув ожакъларда Россияны Центральный сайлав комиссиясы къурулгъанлы арадан 30 йыл битегенликге багъышланып юрюлген. Охувчу яшлагъа бизин уьлкеде сайлавлар не ёрукъда оьтгерилегени гьакъда айтылгъан.
Шондан къайры да, Россияда юрюлеген сайлавланы ёругъунда башгъа тыш пачалыкълар булан тенглешдиргенде не йимик башгъалыкълар бар экени гьакъда англатыв берилген. Шону булан бирге, бизин уьлкени Аслу Закону гьисапланагъан Конституция булан сайлавларда ортакъчылыкъ этеген ватандашланы ихтиярлары малим этилген. Шо гьакъда охув ожакъланы Telegram-каналларында генг кюйде баянлыкъ берилген.
Насрулла БАЙБОЛАТОВ.
