– Бош заманында мотоцикл гьайдамагъа муштарлыланы къуршайгъан бизин клуб Темиркъазыкъ Къавказда  биргине -бир бирлешив гьисаплана. Ону ишинде гьар тюрлю динлени ва миллетлени вакиллери, олай да башгъа-башгъа  тармакъларда чалышагъан касбучулар ортакъчылыкъ эте. Дагъыстанны тарихин уьйренмекден, ёл юрюшню низамыны гьакъында англатыв иш юрютмекден къайры да, рагьмулукъ ва шабагьат гьаракатланы яшавгъа чыгъарыв олар оьзлени алдына салгъан аслу муратлар болуп токътай,– деп эсгерди Н. Кубиев.

Ону сёзлерине гёре, бу йыл июль айда  клубну ортакъчылары Украинадан къачып гелгенлер яшайгъан   «Дельфин» ва  «Леззет» деген ял алыв базаларда болгъан, олагъа шабагьат кёмегин болдургъан. Демек, мадарлы адамлары гёрсетген харжлагъа сурсат маллардан къайры да, яшлагъа оюнчакълар да етишдирилген. Шолай кёмек Ленингентде ерлешген осал эшитеген яшлар сакъланагъан школа-интернатгъа да этилген.

 

 

Н. БАЙБОЛАТОВ.