Гьава-десант асгерлени 93-нчю йыллыгъына багъышлангъан чара Къызылюрт шагьарда оьтгерилди. Чараны алдында шагьарны орамларында машин юрюш Афгъанистанда къуллукъ этген ветеранлар шо йыракъ тыш уьлкеде юрюлген давдан къайтмай къалгъанланы эсделигине багъышлангъан эди.
Бу агьвалат булан чараны ортакъчыларын къутлай туруп, запасдагъы подполковник Агьмат Гьюсейнов ва ДР-ни Халкъ Жыйыныны депутаты Гьажи Биярсланов энниден сонг да гьава-десант асгерлени агьамият-лылыгъын эсгердилер.
Минутлукъ шыплыкъ булан эсгерилген агьвалатгъа жыйылгъанлар Афгъанистанда юрюлген давларда жанын къурбан этген къурдашларын эсге алдылар. Афгъанистандан къайтмай къалгъанланы эсделигине салынгъан мемориалгъа олар гюллер салды ва эсделикге сурат алдырдылар. Бизин къумукъ уланлар мунда жыйылгъанланы арасында чараны юрютювде актив кюйде ортакъчылыкъ этди. Шоланы сыдрасында муцалавулдан Агьмат Гьюсейновну, Солтан Янгыюртдан Абдулкъадир Абукъовну, Эндирейден Къанболат Салавовну ва Хасавюрт шагьардан Камил Мусалаевни атларын эсгерме ярай. Олар барысы да оьзлеге тапшурулгъан масъаланы уьстюнлю кюйде кютген ва яшавгъа чыгъаргъан.
