ДР-ни Къызылюрт шагьаргъа, Къызылюрт ва Хумторкъали муниципал районлагъа къарайгъан военный комиссариатында армияны янгы адам гюч булан толумлашдырмакъ муратда ватандашланы асгерге чакъырылывуна байлавлу чаралар бугюнлерде де узатыла.
Россияны Президенти Владимир Путинни асгер къуллукъгъа чакъырывну гьакъында этген билдиривюне гёре, гьали де оьзлер военкоматгъа да гелип, гёнгюллю кюйде асгерге гетегенлени санаву токъталмай.
Муна, оьтген талатгюн, октябр айны 25-нде, оланы ёлгъа салмакъ учун юрюлген чарада Хумторкъали районда шо гьаракатгъа къарайгъан жаваплы къуллукъчусу Абдурагьман Абакаров ва Къызылюрт шагьар администрациясыны башчысыны заместители Амирхан Амирханов ортакъчылыкъ этди.
Хумторкъали районну администрациясыны вакили Абдурагьман Абакаров оьзюне берилген сёзден пайдаланып, Украинагъа гетегенлеге Уьстюнлюкню алып, эсен-аман къайтмакъны ёрады.
СУРАТДА: солдан онггъа дёртюнчюсю – Абдурагьман АБАКАРОВ.
