Бу йылгъы сайлавлар сайлав участкаларда уьч гюн оьтгериле. Жумагюн, сонгугюн ва къаттыгюн республикадагъы бары да сайлав участкалар ачылгъан эди. Бугюн сентябрь айны 19-нда сайлавланы ахырынчы аслу гюню деп айтма ярай.

Тёбен Къазанышда сайлав участкалар 4 ерде ачалгъан. 0239-нчу сайлав участка юртдагъы 1 номерли орта школасында. Гьали о школагъа «лицей» деп айтыла. Участканы ичине гиргинче сайлавчулагъа онгайлыкъ болсун учун тамгъа «баянлыкъ стендлерден» илинген. Эшикни къырыйында эки полицейский токътагъан. Олар тергеп битгенде ичине гиресен.

Сайлав участканы председатели Зарият Къазакова англатагъан кюйде бу участкада сайлавланы оьтгермек учунгъу ишге оьзю булан 9 адам къуршалгъан. Вирус инфекциядан сакъланмакъ учун тийишли чаралар юрюле. Антисептиклер, маскалар, халатлар, къолгъаплар булан участка эки жума алдан берли де таъмин этилген.

Участкада тавуш береген сайлавчуланы санаву 2 минг 50 адам бар. Бу сайлав комиссияны председатели Зарият Къазакова береген баянлыкъгъа гёре, гьалиге (19-нчу сентябрь, къаттыгюн, сагьат 10 гъа таба вакъти) тавуш бергенлени санаву – 1 минг 500 адамгъа ювукъ.

                                                                           Максим Эсенбиев.