Спорт гимнастика булан машгъул болмагъа да ол шонда башлагъан. Ону спортда биринчи уьстюнлюгю 2003-нчю йылда Ханты-Мансийск округну чемпионатында болгъан. Ол шо ярышларда гиччи къызланы арасында алдынлы ерни биринчи гезик къазангъан. Арадан заман гетип, Мадина Россияны чемпионатында да биринчи ерге ес бола. Сонг дагъы да ол Россияны чемпионатларында эки керен савгъатлы ерлени алгъан. Урал федерал округну эки керен чемпиону да болгъан.
Огъар «Россияны спортуну устасы» деген ат берилген. Артдагъы йыл Мадина Гьасанова Къызылюрт шагьардагъы М. Базаргъановну атындагъы яшланы спорт школасында спорт акробатикадан тренер болуп ишлей.
– Бираз алда бизин спорт школада Россияны спортуну устасы, белгили акробат Мадина Гьасанованы савгъатларына республика турнир оьтгердик. Онда Хасавюрт, Къызылюрт, Каспийск ва Магьачкъала шагьарланы яш акробатлары ортакъчылыкъ этдилер. Ярышлар бек арив къурумлу оьтдю. Акробатика спортну инг де арив жураларындан санала. Гьали Мадина шагьардагъы гиччи яшланы акробатикагъа уьйрете, – деди шагьар спорт комитетни къуллукъчусу Ордаш Алиев.
И.ГЬАЖИЕВ
