«Дагъыстан» деген республика хабар агентлиги яйгъан маълуматгъа гёре, 2020-нчы йылны тюшюмю учун гюзде чачмагъа Дагъыстангъа буссагьат 22,4 минг тон урлукъ гьажатлы.
Россия юрт хозяйство центрыны Дагъыстандагъы филиалы англатагъангъа гёре, энни республикада чачма онгарылгъан 5,2 минг тон гелеген урлукъну сан янына багьа берилген. Шондан 4,9 минг тонуну яда 94 процентини сан яны яравлу деп токъташдырылгъан.
Эсгерилген къурумну къуллукъчулары билдиреген кюйде, гелеген йыл болажакъ ашлыкъланы тюшюмюню моллугъу, озокъда, урлукъну сан янындан ва шолар тийишли дарманлар булан ярашдырылып онгарылгъан кюйден кёп гьасил бола.
Дагъыстанны юрт хозяйство министерлигини ва Россельхозцентрны дагъыстан филиалыны янындан гёрюлеген умпагьатлы чараланы яхшылыгъындан гюзлюк ашлыкъланы урлукълары чачылагъан тарлавланы оьлчевлери гьар йыл сайын уллулашдырма кюй табыла.
Бизин мухбирибиз
