Тюркиядан Гюржюстангъа Швейцарияны компаниясыны Карс–Тбилиси–Бакю ёл булан адамлар алып юрюйген поезди гелген. Истанбул–Карс–Тбилиси–Бакю темир ёл Азербайжан, Гюржю ва Тюрк халкъара разилешивге гёре къурулгъан.

Поездлер Истанбул–Карс–Тбилиси–Бакю темир ёл булан биринчи девюрде Гюнчыгъышдан Гюнбатышгъа 1 миллион адамны къуллугъун кютме бола. О буса ари-бери юрюйген туристлени санавун артдырма имканлыкъ бережек.

Карс–Тбилиси–Бакю чилле ёлну территориясындан оьтегени туристлер учун айрокъда уллу имканлыкълар ача. Ёлавчулар учун хас турист поездлер онгайлы транспорт болажакъ. О Азияны туристлерине Кавказдан таба Тюркиягъа ва ондан башгъа уьлкелеге барма имканлыкъ бере.

Ёлавчулар Азербайжанны, Гюржюстанны ва Тюркияны чилле ёлу булан барып, гьар уьлкени тергевге лайыкълы ерлери булан таныш болма болажакъ.

Бизин маълумат.