Бу йыл Темиркъазыкъ Кавказ округда билим берив тармакъда яш авторланы проектлерини «Мени Ватаным – мени Россиям» деген Бютюнроссия конкурсу оьтгериле. Эсгерилген конкурс Россияны регионларыны , шагьарларыны ва юртларыны оьсювюнде яшёрюмлени къуршамакъны гьайы булан этиле.

Конкурсну «Яшёрюмлени яшавлукъ-экономика сиптелери», «Билим беривню Россия академиясы», «Россия имканлыкъланы пачалыгъы» деген къурумлар Россия Федерацияны илму ва оьр билим берив ва просвещение министерликлерини якълаву булан оьтгере. Онда 14 йыллыкъ чагъындан 35 йыллыкъ чагъына етишген жагьил адамлар ортакъчылыкъ этмеге бола.

Конкурсда ортакъчылыкъ этмеге токъташгъанлар оьзлени проектлерин сайтны конкурсунда ерлешдире. Арзалар бу йылны апрель айыны 10-на ерли къабул этилежек. Номинациялар 19 бар. Оланы арасында «Мени пачалыгъым», «Мени ана тилим» ва башгъа темалар да бар.

Конкурсну гьакъында толу маълуматлар www.moyastrana.ruдеген сайтда ерлешдирилген.