«Дагъыстанны Башчысыны Чакъырыв кагъызында бизин республиканы яшавлукъ-экономика гьалына бюс-бютюнлей къыймат берилди. Республиканы Гьукуматыны алдына яшавгъа чыкъмагъа башлангъан агьамиятлы масъалалар салынгъан»,– деген Чакъырыв кагъызны айланасында оьзюню ойларын ва пикрусун айта туруп, ДР-ни табии байлыкълагъа ва экологиягъа къарайгъан министри Набиюлла Къарачаев.
Ону сёзлерине гёре, яшав гьаллары онгайсыз гелген чарасыз адамланы яшавлукъ уьйлер булан таъмин этилежеги Чакъырыв кагъызда айтылгъан яшавгъа чыкъмагъа тюшеген лап да агьамиятлы масъалаланы бириси болуп токътай. Бизин республикада янгы 33 школаны бинасы къурулажагъы. охувчу яшланы таман чакъы даражада охув китаплар булан таъмин этилежеги, муаллимлени айлыкъ алапаларын, чарасызлагъа, олай да яшлагъа пособие гьисапда берилежек акъчаны къадары артажагъы ва шолагъа ошайгъан кёп тюрлю масъалалар тергевню тарта.
«Бизин регионну экологиясына байлавлу тувулунгъан гьалны гьакъында айтгъанда, Дагъыстанны Башчысы артгъа салмагъан кюйде чечме тюшеген масъалаланы айрыча эсгерди. Шоланы арасында топланагъан чёплюклени ишлетивню янгы ёругъун яшавгъа гийиривюню гьакъында мекенли кюйде айтылгъан. Топуракъ байлыкъланы законсуз кюйде къоллавну алдын алывгъа, яшыл оьсюмлюклер орнатывгъа байлавлу ишлер узатылажакъ»,– деп билдирген дагъы да Набиюлла Къарачаев. Шону булан бирге, республиканы Башчысы белгилеген бары да масъалалар токъташдырылгъан болжалларда толу кюйде яшавгъа чыгъажагъын ташдыргъан.
