Тахшагьарны аслу майданын ярашдырмакъ учун шагьар администрациясында генгеш оьтгерилген. «Бизин борчубуз – ватандашлар учун бары да талаплагъа жавап береген онгайлыкълар яратмакъ, – деген онда С.Дадаев. Олай да, шагьарны башчысы яшлар учунгъу ерлени онгармакъны тапшургъан. Яшдан берли бизге таныш объектлер бюс-бютюн алышынажакъны гьакъында айтгъан.
Янгыртылгъан Магьачкъала шагьарны майданында плитка тутулгъан ерлер алышынажакъ, ял алагъан зоналар болажакъ. Ондан сонг шагьар гьакимлиги тюрлю-тюрлю чагъындагъы яшлар учун ойнайгъан майданлар этмекни де гёз алгъа тутгъан.
Ёлугъувну барышында айтылгъан кюйде, дагъыстанлы язывчуланы ва шаирлени бульварын этмек учун да чаралар белгиленген. Адамланы аманлыгъы учун майдан ер-ерде тергейген камералар булан да ясандырылажакъ.
Эсигизге салабыз, Магьачкъаланы майданын янгыртмакъ учун Москва шагьарны башчысы 300 миллион манат гёрсетген. Биринчи ишлер бу йыл башланма герек.
Бизин маълумат.
