Дагъыстан Республиканы 29-нчу ноябрде болгъан Халкъ Жыйыныны гюнлюк низамына 30 масъала салынгъан. Мердешленген кюйде, Халкъ Жыйыны партияларыны вакиллерини сёйлевлери булан башланды. Ондан сонг депутатлар ярашывлукъ судьяланы масъаласына къарагъан.
Булай масъалалар: «Дагъыстан Республикада билим беривню гьакъындагъы», «Дагъыстан Республиканы территориясында ерлешген Россия Федерацияны халкъларыны маданият варислигини гьакъында», «Ерли шагьар округуну ва шагьарны ичиндеги районланы гьакъында» деген масъалалагъа Дагъыстан Республиканы 10-нчу статьясына гёре экинчи охувда къаралгъан ва къабул этилди.
Олай да, «Дагъыстан Республиканы 2019-нчу йылгъа ва план булан гёрсетилген 2020–2021-нчи йыллагъа бюджетини гьакъындагъы» масъалагъа биринчи охувда къаралгъан. «Дагъыстан Республиканы 2019-нчу йылгъа ва план булан гёрсетилген 2020–2021-нчи йыллагъа борч этилип салынгъан медицина страхование фондну территория бюджетини гьакъындагъы» масъалагъа да биринчи охувда къаралгъан.
«Дагъыстан Республиканы пачалыкъ ватандаш къуллугъуну гьакъындагъы», «Дагъыстан Республиканы муниципал къуллугъуну гьакъындагъы» законну 25-нчи статьясына алышынывлар этилген.
Дагъыстан Республиканы милли аралыкъланы оьсювюню кюрчюсюню гьакъындагъы», «Дагъыстан Республикада экстремизмге къаршылыкъ билдиривню гьакъындагъы» ДР-ни законларына алышынывлар да этилген ва башгъа масъалалагъа къаралгъан.
Бизин мухбирибиз.
