Бизин республикада Халкъ бирлигини гюню гьар тюрлю байрам чаралар булан белгилене. Ноябр айны 4-нде сагьат 9-да вузланы студентлерини ва орта охув ожакъланы охувчуларыны спортну туризм журасындан ярышлары оьтгерилежек. Сагьат 10-дан 15 сагьат болгъунча Магьачкъалада Рус театрны алдында, 14 сагьатдан 16.30 сагьат болгъунча Авар театрны алдында да концертлер болажакъ.

1–4 ноябрде Милли библиотекада агропромышленный малланы сатыв регионара выставка оьтгериле. Выс­тавка эртен сагьат ондан ахшам сагьат беш болгъунча ишлей.

Дёртюнде сагьат 10-дан 16 сагьат болгъунча «Дос­лукъну уьюнде» «Ачыкъ эшиклени гюню» оьтгериле. Сагьат 9-дан 22 сагьат болгъунча «Ачыкъ эшиклени гюню» «Россия – мени тарихим» деген тарихи паркда да оьтгериле.

Дёртюнчю, бешинчи ноябрде 17 сагьатдан 23 сагьат болгъунча «Инчесаниятны гечеси» деген Бютюнроссия акциясы оьтгериле.

Байрамгъа багъышлангъан шулай ва оьзге тюрлю байрам чаралар Магьачкъалада да, башгъа шагьарларда ва районларда да оьтгерилежек.

Халкъланы бирлигини гюню бу гезик ишлемейген гюнге раслангъаны саялы, 5-нчи ноябр (итнигюн) выходной гюнге санала.

2004-нчю йыл Россияны Динара совети 4-нчю ноябр­ни Халкъланы бирлигини гюню деп байрам гюн этмеге таклиф берген. Пачалыкъ Дума шо таклифни якълагъан. Шону учун да 7-нчи ноябрни орнуна 4-нчю ноябр байрам гюн деп токъташдырылгъан.

М. Эсенбиев.