Оьзлени къурч бийивлери булан сав дюньягъа белгили болгъан бийив ансамбль «Лезгинка» къурулгъанлы, 6-нчы сентябрде 60 йыл тамамланды. Бу ансамблни 60 йыл алда биринчилерден болуп балетмейстер Танхо Израйылов къургъан.
Ол оьзю тувгъанлы да бу йылны декабр айында 100 йыл тамамлана. Ансамбль концерт программалары булан сав дюньяны кёп-кёп пачалыкъларында болгъан, миллионлар булан къаравчуланы гьайран къалдыргъан, гючлю харс урувларын къазангъан. Ансамблни коллективин 60 йыллыкъ юбилейи булан къутлай туруп, яратывчулукъ ишинде уьстюнлюклер ёрайбыз!
Бизин мухбирибиз.
