Бугюнлерде шолай адамланы кёп тюрлю къуллукъларын кютюв центр (МФЦ) булан машгъул болагъан центрлар Каспийск, Къызылюрт, Магьачкъала шагьарларда, Къарабудагъгент ва шолай да оьзге бир нече районларда къурулгъан. Олар гьали ватандашланы пачалыкъ ва муниципал къуллукъларын «бир терезеден» таба кютюв булан машгъул болуп тура.
– Озокъда, МФЦ-лени къурувгъа ва пайдаландырывгъа беривге тергев гючленегени негьакъ тюгюл, – дей Дагъыстанны телекоммуникация ва байлавлукъ министри Сефер Алиев. – Шолайлыкъда, республикабызны ватандашларыны янындан ерлерде муниципал ва пачалыкъ къуллукъланы кютювге байлавлу тувулунагъан разисизликлеге ахыр салмагъа умут этиле. Неге тюгюл, ватандашланы янындан къуллукъланы кютювге урушбатчылыкъ чатакъ салагъаны гьакъда айлана ягъыбызда кёп сёз болагъанын унутма ярамай.
Бугюнлерде Сефер Алиев МФЦ-ни республика центрыны директору Осман Хасболатов булан МФЦ-лени ачмагъа гёз алгъа тутулгъан Ахвах, Рутул, Ботлих, Кули, Лак ва оьзге районларда болуп, ишлени барышы булан ювукъдан таныш болгъан.
Эсгерилген районланы администрацияларыны башчылары булан оьтгерилген ёлугъувларында министрни заместители Марина Омарова МФЦ-лер учун тарыкълы болажакъ маълуматлар ерлерде осал гьазирленегенине байлавлу разисизлигин билдирген. Неге тюгюл, бизин республикабызда бу йыл МФЦ-лени санавун дагъы да 25-ге артдырмагъа гёз алгъа тутулгъан ва шону яшавгъа чыгъарывну Дагъыстанны Башчысы талап эте.
Шону булан янаша, бу йыл регион электронный гьукуматын къурувда электрон имканлыкъларын толу кюйде пайдаландырмагъа таклиф этилинген.
– Озокъда, МФЦ-лени къурувгъа ва пайдаландырывгъа беривге тергев гючленегени негьакъ тюгюл, – дей Дагъыстанны телекоммуникация ва байлавлукъ министри Сефер Алиев. – Шолайлыкъда, республикабызны ватандашларыны янындан ерлерде муниципал ва пачалыкъ къуллукъланы кютювге байлавлу тувулунагъан разисизликлеге ахыр салмагъа умут этиле. Неге тюгюл, ватандашланы янындан къуллукъланы кютювге урушбатчылыкъ чатакъ салагъаны гьакъда айлана ягъыбызда кёп сёз болагъанын унутма ярамай.
Бугюнлерде Сефер Алиев МФЦ-ни республика центрыны директору Осман Хасболатов булан МФЦ-лени ачмагъа гёз алгъа тутулгъан Ахвах, Рутул, Ботлих, Кули, Лак ва оьзге районларда болуп, ишлени барышы булан ювукъдан таныш болгъан.
Эсгерилген районланы администрацияларыны башчылары булан оьтгерилген ёлугъувларында министрни заместители Марина Омарова МФЦ-лер учун тарыкълы болажакъ маълуматлар ерлерде осал гьазирленегенине байлавлу разисизлигин билдирген. Неге тюгюл, бизин республикабызда бу йыл МФЦ-лени санавун дагъы да 25-ге артдырмагъа гёз алгъа тутулгъан ва шону яшавгъа чыгъарывну Дагъыстанны Башчысы талап эте.
Шону булан янаша, бу йыл регион электронный гьукуматын къурувда электрон имканлыкъларын толу кюйде пайдаландырмагъа таклиф этилинген.
Къ. Къараев.
