1926-нчы йылда чыкъгъан суратда Дагъыстанны билимли пачалыкъ чалышывчулары ва алимлери бар. Шоланы арасында къумукълар Жалалутдин Къоркъмасов, профессор, хирург Юсуп Къылычев де барлар. Ю.Къылычевни тухуму Хасавюртда яшайгъан Къылычевлер тюгюлмю экен деген ой булан биревлеге соравлар этдим ва ювукъ къардашын тапдым. Ону Хасавюртда танымайгъанлар аз экен.
Дина (герти аты Мадина) Салимсолтановна Къылычева 1929-нчу йылда тувгъан. Хасавюрт педагогика училищени 1948-нчи йылда битдирген. Умуми педагогика стажы – 65 йыл. Кёп йылланы узагъында педагогика коллежде ишлеп тура. Мен шо суратны Дина баживге гёрсетме токъташдым. Шо суратны копиясы оларда да болгъан экен.
– Юсуп Къылычев мени уллу атамны иниси Кърымсолтанны уланы болгъан. Ол 1883-нчю йылда Хасавюртда тувгъан. Ставрополь гимназияны 1903-нчю йылда битдирген. Эки йылдан сонг Тюркиягъа гетип, онда бираз яшагъан. Юсуп 1912-нчи йылда Харьков шагьардагъы медицина институтну битдирип, ерли поликлиникада уьч йыл, сонг Донецк областны Енахеево шагьарында врач болуп ишлеген. Магьачкъалагъа гёчюп, Комсомольская деген орамда яшагъан ва шагьарда врач болуп да ишлеген.
Областны савлукъ сакълав начальнигини заместители этип ону 1920-нчы йылда алгъанлар. Ол белгили хирург болгъан. Дагъыстанны савлукъ сакълав идараларында кёп йыллар ишлеген.
Юсуп Къылычев 1905-нчи йылда Тюркияда Жалалутдин Къоркъмасов булан ёлукъгъан ва таныш болгъан. Ол «Научное общество Пирогова» деген жамиятны члени де болгъан. Бир вакъти Юсуп Урал областда земской больницаны заведующийи болуп да тургъан. 1925-нчи йылда Дагъыстангъа гелген белгили сапарчы Нансен булан да ёлукъгъан, – деди Дина Салимсолтановна.
– Юсупну туснакъгъа не учун салгъан? – деген соравума да булай жавап берди:
– О гьакъда сёйлесек, кёп заман гетер. Къысгъача, иш шулай болгъан.
Юсуп Къылычев Уллу Ватан давну алдында Совет гьукуматны политикасын ушатмагъан, кёп керенлер къаршылыгъын билдирген, рази тюгюлюн айтгъан. 1942-нчи йыл 10-нчу октябрде советлеге къаршы агитация юрюте деген айыплав булан ону 8 йылгъа лагерге йибергенлер. Ону туснакъда да къыйнагъанлар, савлугъуна бек зарал да болгъан. Юсупну къысматы гьакъда белгили алим Адил-Герей Гьажиев гьалиден 15 йыл алда язып гиччирек китапча да чыгъарды.
Юсупну эки иниси болгъан. Бири – Акимбей Къылычев. Ол 1918-нчи йылда Тюркияда генерал чинге ерли гётерилген. Биревю иниси Абдулазим о йыллар Грозный шагьарда яшагъан. Юсупну бир къызы болгъан. Ону аты да – Нина. Ол Ленинград шагьарлы. Къызыны къысматы гьакъда магъа белгили зат ёкъ, – деди Дина бажив, кюстюнюп.
Пагьмулу, билимли врач, къумукъ халкъны гёрмекли чалышывчусу Юсуп Къылычевни гьакъында муна шулай затлар белгили болду.
Дина (герти аты Мадина) Салимсолтановна Къылычева 1929-нчу йылда тувгъан. Хасавюрт педагогика училищени 1948-нчи йылда битдирген. Умуми педагогика стажы – 65 йыл. Кёп йылланы узагъында педагогика коллежде ишлеп тура. Мен шо суратны Дина баживге гёрсетме токъташдым. Шо суратны копиясы оларда да болгъан экен.
– Юсуп Къылычев мени уллу атамны иниси Кърымсолтанны уланы болгъан. Ол 1883-нчю йылда Хасавюртда тувгъан. Ставрополь гимназияны 1903-нчю йылда битдирген. Эки йылдан сонг Тюркиягъа гетип, онда бираз яшагъан. Юсуп 1912-нчи йылда Харьков шагьардагъы медицина институтну битдирип, ерли поликлиникада уьч йыл, сонг Донецк областны Енахеево шагьарында врач болуп ишлеген. Магьачкъалагъа гёчюп, Комсомольская деген орамда яшагъан ва шагьарда врач болуп да ишлеген.
Областны савлукъ сакълав начальнигини заместители этип ону 1920-нчы йылда алгъанлар. Ол белгили хирург болгъан. Дагъыстанны савлукъ сакълав идараларында кёп йыллар ишлеген.
Юсуп Къылычев 1905-нчи йылда Тюркияда Жалалутдин Къоркъмасов булан ёлукъгъан ва таныш болгъан. Ол «Научное общество Пирогова» деген жамиятны члени де болгъан. Бир вакъти Юсуп Урал областда земской больницаны заведующийи болуп да тургъан. 1925-нчи йылда Дагъыстангъа гелген белгили сапарчы Нансен булан да ёлукъгъан, – деди Дина Салимсолтановна.
– Юсупну туснакъгъа не учун салгъан? – деген соравума да булай жавап берди:
– О гьакъда сёйлесек, кёп заман гетер. Къысгъача, иш шулай болгъан.
Юсуп Къылычев Уллу Ватан давну алдында Совет гьукуматны политикасын ушатмагъан, кёп керенлер къаршылыгъын билдирген, рази тюгюлюн айтгъан. 1942-нчи йыл 10-нчу октябрде советлеге къаршы агитация юрюте деген айыплав булан ону 8 йылгъа лагерге йибергенлер. Ону туснакъда да къыйнагъанлар, савлугъуна бек зарал да болгъан. Юсупну къысматы гьакъда белгили алим Адил-Герей Гьажиев гьалиден 15 йыл алда язып гиччирек китапча да чыгъарды.
Юсупну эки иниси болгъан. Бири – Акимбей Къылычев. Ол 1918-нчи йылда Тюркияда генерал чинге ерли гётерилген. Биревю иниси Абдулазим о йыллар Грозный шагьарда яшагъан. Юсупну бир къызы болгъан. Ону аты да – Нина. Ол Ленинград шагьарлы. Къызыны къысматы гьакъда магъа белгили зат ёкъ, – деди Дина бажив, кюстюнюп.
Пагьмулу, билимли врач, къумукъ халкъны гёрмекли чалышывчусу Юсуп Къылычевни гьакъында муна шулай затлар белгили болду.
Измулла ГЬАЖИЕВ.
Суратда: Ю. Къылычев (онг якъда тюпде къара галстугу булан).
