Дюньяны бары да ярыгъы ана бар уьйде янадыр

Маданият Ёлдаш
2 декабря 2017 в 21:49 692
Дюньяны бары да ярыгъы ана бар уьйде янадыр
 

Ана! Бу сёзню кёп уллу маънасы, агьамияты бар. Ол бары да сёзлерден де, арбалар булангъы алтындан да артыкъ. Ананы исси къоллары, таза, эркин балагъа бакъгъан якъдагъы кёп сюювден толгъан ери бар.


Яш биринчилей ананы исивюн, сюювюн, исси къолларын, тынышын гьис эте. Аналаны сюювюн де, гюювюн де, ону яшларына бакъгъан гючлю сюювюню маънасын айтып битдирип болагъан ёкъ. Аналагъа биз, авлетлер, гьар гече де ва гюн де нечакъы алгъыш тилей турсакъ да, олар биз саялы оьтгерген юхусуз гетерген гечелерини къы­йынын бир заманда да къайтарып болмасбыз.


«Балагъа женнет - ананы аягъыны тюбюндедир»,   – деп айтыла. О саялы да, биз, авлетлер аналаны аямагъа, сюймеге, якъламагъа, гьар гюн алгъышлар тилемеге борч­лубуз! Сююгюз ананы, сююгюз! Дюньяны бары да ярыгъы ана бар уьйде янадыр.



Насибат ГЬАЛИМОВА,

8-нчи клас.

«Гимназия», Къарабудагъгент юрт.