Къайда экен?

23 августа 2019 в 22:51 435
Къайда экен?



– Бир алма, эки алма… –

Барысы да беш алма.

Яшым, сен санайгъанда,

Вёре, янгылып къалма! –

 

Деп шо яшны анасы

Алгъасады абзаргъа.

Бираздан къайтып гелди

Санайгъан яшы баргъа.

 

Гьазиринде эс этди,

Оьзю уьйге гиргендокъ

Столда бешисинден

Алмаланы бири ёкъ.

 

– Яшым, сен билмеймисен,

Къайда экен бириси?

– Санама тынч болсун деп,

Ашап къойдум сарисин.


 

Вагьит АТАЕВ.