Яхшы ёл!..

25 ноября 2022 в 14:41 62
Бабаюрт районда яшёрюмлени арасында Россия Федерацияны Савутлу Гючлерине къуллукъ этме асгерге чакъырыв къурумлу кюйде юрюле. Шолай  чара артдагъы гюнлерде районну ваенкоматында оьтдю.

Шо гюн асгерге чакъырылгъанланы алдында чыгъып сёйлеп, районну  военнкому Даниял Дибиров гьар яшёрюмню яшавунда Ватаныбызны алдындагъы борчун кютме заман гелегенни айтды.

–Тангалагъы гюнде сиз Россияны асгерини солдатлары болажакъсыз. Гьар яшёрюм учун о уллу намус ва борч, неге десе де Ватангъа къуллукъ этив гьар даим де къыйматлы болгъан ва болажакъ. Сизге мен борчугъузну абургъа лайыкълы  ата-аналарыгъыз, дос-къардашыгъыз сизин булан оьктем болагъан кюйде кютмекни ёрайман, – деди Даниял Дибиров.
Ондан къайры да, Даниял Дибиров асгерге чакъырылгъанлагъа ва оланы ата-аналарына билдирген кюйде, Ватангъа къуллукъ этеген болжалны ичинде, олар хас дав чараларында ортакъчылыкъ этмежеклер.