«Ватан учун» деген фондну гьаракаты

Къызылюрт шагьар администрациясыны башчысы Магьаммат Магьамматовну ёлбашчылыгъыны тюбюнде «Ватан учун» деген фонд ишлеме башлагъан. Эсгерилген фондну аслу борчу – асгерге чакъырыла­гъанланы инг башлап исси опуракълар, аякъгийим ва тарыкъ-герек булан таъмин этмек, оланы агьлюлерине кёмек болдурмакъ.

Бу фондну гьаракатын юрютме Къызылюрт шагьардагъы «Югспецэнергостроймонтаж» деген акционер жамиятыны Генеральный директору, шагьар жыйынны депутаты Гьажи Биярслановгъа тапшурулгъан.

Гьажи Бадрутдинович эсгергени йимик, шагьарлылар, къуршалгъан къурумлар ва предприятиелер, асгерге чакъырылагъанлагъа юреги авруйгъан ватандашлар ва оьзгелер фондну гьисабына кёмек къолун ялгъады. Бугюнге ерли шолай кёмек этивню натижасында жыйылгъан акъча маяланы къадары 2 миллион манатдан да къолай.

Асгерге чакъырылагъанлагъа рагьмулу кёмек этив узатыла. Къызылюрт шагьар администрациясыны башчысыны заместителлери Айшат Исаева ва Алмаз Беков бюджет къурумларда, муниципалитетлерде ишлейген къатынланы атындан чакъырылагъанлар учун 261 минг манат акъчаны фондгъа тапшурдулар. Олар уьстюнлюкге тез етишежегине, олай да бизин уланлар гьар ким ожагъына узакъ къалмай тез къайтажагъына инанагъанына умут этегенин билдирди.

Авторизация
*
*
Регистрация
*
*
*
Согласны с условиями сайта?
Генерация пароля