Уллу Уьстюнлюкню 78 йыллыгъына


Совет Союзну Игити Абдурагьман АБДУЛЛАЕВ 15-нчи ноябрде 1919-нчу йылда Муцалавул юртда тувгъан. 1939-нчу йылда асгерге чакъырылгъан ва фин давда ортакъчылыкъ этген. Къырымдагъы «Сапун тав» деген бийикликни алывда Абдурагьман Абдуллаев, яраларына да къарамай, къоччакълыкъ гёрсетген. СССР-ни Оьр Советини Президиумуну Указы булан немис-фашистлеге къаршы ябушувда гёрсетген къоччакълыгъы учун 1945-нчи йыл 24-нчю мартда 4-нчю Украина фронтну 51- нчи армиясыны 105-нчи атышывчу полкуну автомат бёлюгюню командири, старший сержант Абдурагьман Ягьияевич Абдуллаевге Совет Союзну Игити деген ат бериле, Алтын Юлдуз ва Ленинни ордени булан савгъатлана.