Уллу Уьстюнлюкню 78 йыллыгъына
Макътавлукъну орденлерини толу кавалери Абдуразакъ ДАТУЕВ 1909-нчу йыл Къарланюртда тувгъан. Давда Украина фронтну 13-нчю армиясыны 568-нчи атышывчу полкуну бёлюгюню командирини орунбасары сержант Абдуразакъ Датуев Курск шагьарны, Украинаны, Польшаны немислерден азат этегенде ва Германияда фашистлени дагъытывда гёрсетген къоччакълыгъы учун Макътавлукъну 3 де даражалы орденлери булан савгъатлана.
Абдуразакъ Датуев 70 йыл яшап, 1979-нчу йыл 9-нчу мартда гечинген ва ата юрту Къарланюртда гёмюлген. Ону аты Хасавюртдагъы ва юртдагъы орамлагъа къоюлгъан.