Тапшурувлар заманында яшавгъа чыгъарылсын учун…

Россия Федерацияны Президентини Темиркъазыкъ-Кавказ федерал округдагъы толу ихтиярлы вакилини заместители Максим Владимиров Дагъыстан Республиканы Гьукуматында генгеш оьтгерген. Онда Россия Федерацияны Президенти Владимир Путинни указларыны яшавгъа чыгъарылывуну масъалаларына къаралгъан.

Арагъа салынгъан масъаланы арасында регион программалагъа гёре: кёп къабатлы уьйлени ремонт этив ва «Савлукъ сакълав» деген милли проектни кютюлювюне багъышлангъанлары да болгъан.

Максим Владимиров оьзюню сёйлевюнде федерал программаланы арагъа салынгъан масъалаларыны агьамиятлыгъына тергев этген. Ол эсгерген кюйде, Россияны Президентини Темиркъазыкъ-Кавказ федерал округдагъы толу ихтиярлы вакили Юрий Чайканы буйругъуна гёре 10-нчу апрелден 14-нчю апрель болгъунча республиканы бир-бир муниципал къурулувларында (Магьачкъала, Буйнакск, Каспийск, Дербент шагьардарда ва Буйнакск районда) РФ-ни Президентини 2018-нчи йылны май айыны 7-синде чыкъгъан «2024-нчю йылгъа ерли РФ-ни оьсювюню милли муратлары ва стратегия масъалалары» деген Указыны яшавгъа чыгъарылывуна байлавлу тергевлер оьтгерилежек.

«Дагъыстан – Темиркъазыкъ-Кавказ федерал округдагъы милли проектлеге байлавлу гьаракатгъа мекенли янашып иш гёреген регионланы бириси. 2023-нчю йылны гьасиллерине гёре де республика оьзюню даражасын сакълама болур деп умут этемен» – деп билдирген федерал округда Президентни толу ихтиярлы вакилини заместители.

Генгешде Дагъыстан Республиканы Гьукуматыны Председателини заместителлери Манвел Мажонц ва Абдурагьман Магьмутов, РФ-ни Президентини Темиркъазыкъ-Кавказ федерал округдагъы толу ихтиярлы вакилини Дагъыстан Республикадагъы баш федерал инспектору Александр Степанов, тарыкълы министерликлени, къурумланы ёлбашчылары да ортакъчылыкъ этген.

Авторизация
*
*
Регистрация
*
*
*
Согласны с условиями сайта?
Генерация пароля