Республиканы яшёрюмлерини Центрында яшёрюмлени гёнгюлчюлюкге уьйрете

26 февраля 2021 в 23:37 87
Республиканы яшёрюмлерини Центрында гьар жума хамисгюнлер Дагъыстанны яшёрюмлени политикасына къарайгъан министрлигини ва гёнгюлчюлюк сиптечиликни оьсдюрюв Центрыны  къурумлугъу булан гёнгюлчюлюк чалышывчулукъгъа уьйретив тренинглер оьтгериле.

Бизге билдиреген кюйде, уьйретив чаралар Дагъыстанда къабул этилген «Республиканы гёнгюлчюлюк школасы» деген гёнгюлчюлюк сиптечиликни программасын яшавгъа чыгъарыв булан байлавлу оьтгериле. Шо программа республиканы орта билим ва оьр билим береген ожакъларында, муниципал районларда ва яшёрюмлени централарында ишлейген гёнгюлчюлюк отрядланы чалышывчулукъ гьаракатында олагъа кёмек этмек ва шартлар болдурмакъ муратда яшавгъа чыгъарыла.