«Боевое братство» деген Бютюнроссия къурумуну Дагъыстандагъы регион бёлюгю Афгъанистанда болгъан агьвалатланы ортакъчыларыны ветеран къурумларыны Совети булан бирге хас асгер гьаракатларда ортакъчылыкъ этеген Россияны асгер къуллукъчуларына рагьмулу кёмегин болдура.
Биз оьрде эсгерген къурумну Дагъыстандагъы регион бёлюгю «афгъанистанлы» ветеранларыны «Патриоты» деген Къызылюрт шагьардагъы совети булан бирге бу гезик де Украинада юрюлеген хас асгер гьаракатда ортакъчылыкъ этген. Олар яралангъанлар учун Къырым Республиканы Феодосия шагьарында ерлешген госпиталлагъа кёмек бакъдыргъан. Айтагъаным, Къызылюрт шагьарда ва районда ерлешген халкъны социал якъдан якълайгъан управлениелерини янындан хас савгъатлар ва кагъызлар топланып гьазирленген. Эсгерилген чараны аслу мурады – Украинада юрюлеген хас асгер гьаракатда ортакъчылыкъ этегенде тийген яралылагъа кёмек болдурмакъ.
Биз оьзюню гьакъында айтагъан рагьмулу кёмекни «Патриоты» деген жамият къурумуну янында гьава-десант асгерлени советини председатели, шагьар администрацияны гьакимбашыны жамият кёмекчиси Къанболат Салавов ва шо жамият къурумну председателини заместители Дада Гьажиев Къырым ярыматавгъа ерли узатгъан.
Биз олагъа бу сапары да пайдалы ва умпагьатлы болсун, яхшы ёлгъа барыгъыз, эсен-аман, сав-саламат ёлукъмагъа насип болсун демеге сюебиз.
