Парашют спорт ярышлар

27 сентября 2022 в 12:56 24
Къаягент районда «Янгыкъаягент» аэродромну къырыйында парашют спортдан Бютюнроссия ярышлары оьтгерилген. Биринчи ерлени алгъанлагъа «Россияны игитлерини ассоциациясыны кубогу» берилген.

Булай ярышлар 2019-нчу йылдан берли оьтгериле. Россияны 27 регионундан ва олай да Черногориядан, Италиядан, Сербиядан, Хорватиядан, Болгариядан, Грециядан гелген спортсменлени санаву 100-ден артыкъ.

Ярышланы ачылывуну вакътисинде Къаягентдеги Уллу Ватан давну ортакъчыларына ва Интернационал борчун кютген асгер къуллукъчулагъа багъышланып тургъузулгъан эсделикге чечеклер салынгъан. Къонакъланы арасында Дагъыс­тан Республиканы Гьукуматыны Председател­ини заместители Муслим Телякъавов, Къаягент районну башчысы Магьаммат Элдерханов, Дагъыстанны парашют спорт федерациясыны президенти Руслан Абдуллатипов, Дагъыстанны къайыкъ­ спорт федерациясыны президенти Магьамматамин Гьажиев, ВДВ-ни ветераны Сергей Храмов ва оьзгелер де болгъан.