Миллетчиликге – къаршылыкъ

Гьали йимик дюнья гьаллары булай чалтлыкъда алышынагъан заман Уллу Ватан даву битгенден берли болмагъан буса да ярай. Украинаны айланасындагъы гьал Россия учун дагъы чыдама ярамайгъан кюйде оьрчюген ва гьазирине къыставуллу чаралар гёрмекни талап эте эди. Шону учун да болмагъа ярай, уьлкени Пачалыкъ Думасы Донецк Халкъ Республиканы ва Луганск Халкъ Республиканы да оьзтёречелигин ва харлысызлыгъын якълады, Президент Путин де шо якълавну тасдыкъ этди.

Президент россиялылагъа февраль айны 24-нде этген Чакъырывунда да эсгерген кюйде, Россия Украинаны территориясындан гелеген къоркъунчлукъгъа дагъы чыдама болмай. Ону учун да о Донбасда асгер операция юрютмек учун хас къарар къабул этген. Украиналы асгер къуллукъчулагъа дав савутланы да къоюп уьйлерине гетмек таклиф этиле.
«Эгер де бизге пуршав этеген уьлкелер болса, Россияны жавабы гьазирине ва сизин тарихигиз гёрмеген кюйде къатты болажакъ. Эсиме геле сиз мени англагъансыздыр деп.
Бизден тувулунгъан гьал чалтлыкъда чаралар гёрмекни талап эте. Донбасны республикалары Россиядан кёмек къаравуллай. Шону учун да ООН-ну Уставыны 51-нчи статьясына гёре, Федерал Жыйын къабул этген гьукмугъа асасланып, ДНР, ЛНР булан дос­лукъну ва бир-биревге кёмек этивню дыгъарына гёре мен хас асгер операция юрютме токъташдым», – деп айтыла Президентни Чакъырывунда.
Пачалыкъны Башчысы бирдагъы эсгерген кюйде, Украинаны елемек Россияны муратларына гирмей. Тек Москва ону милли къастларын енгмек учун гьаракат юрютежек.

Набиюлла МАГЬАММАТОВ,
политика бёлюкню редактору.

Авторизация
*
*
Регистрация
*
*
*
Согласны с условиями сайта?
Генерация пароля