«Магьачкъала – бизин шагьар!»
Гетген йылны ахырында Магьачкъаланы башчысы къуллу-гъундан тая деп эшитгенде мен шогъар сююнгенимни яшырмай ачыкъдан язгъан эдим. Гьали янгы мэр этилип Ризван Къазимагьамматов белгиленгенде тахшагьарыбызны яшавунда яхшы янгъа багъып бир тюрлю алышынывлар болар деген аз-кёп буса да умутубуз бар эди. Уьстевюне, Ризван Казимович магьачкъалалыланы не йимик масъалалар къыйнайгъанын бек яхшы биле. Ол тогъуз йыл (1998-2007-нчи йыл) депутатланы Магьачкъала шагьар жыйыныны предсе-дателини борчларын кютюп гелген.
Тек шагьарны башчысы къабул этеген къарарлар бир тюрлю соравланы тувдура. Уьч йыл алъякъда Дагъыстанны тахшагьарыны ишлери Москвадан гелген сынавлу, бажарывлу, гьакъыллы жагьил адамгъа, Салман Дадаевге тапшуралажакъ деп хабар чыкъгъанда хыйлылар гьакъ юрекден сююндю. Сонг гёнгю чыкъгъанланы сёзлерин такрарлай турмайым. Тек С. Дадаевни хыйлы пакарсыз ишлерини арасында, ону законсуз къурулгъан биналагъа къаршы юрютме башлагъан гьаракаты эл арада якълавну таба эди ва разиликни тувдура эди.
Амма Р. Къазимагьамматов шагьар гьакимликни уллу шанжалына олтургъандокъ, оьзюнден алдагъы башчысы гери уруп тургъан къараргъа къол салгъан ва Ленинчи комсомолну атындагъы гезев бавда алаша кафени есисине шону орнунда 11 къабатлыкъ къонакъюйню къурмагъа ихтяр берген. Кафени герти есисини аты ва фамилиясы ким экенни Интернетден парахат кюйде билмеге боласыз. Жамият къувун гётергенде, шагьарны башчысы кафени есисин чакъырып, къурулуш ишлени гьалиге аста къоймакъны тилеген, тек огъар шо ерде уллу къурулушлар оьтгермеге ихтияр берген къарарын гери урмагъан.
Дагъы да, мени шагьар башчы болуп къонушгъан адам къуллугъундан пайдаланып, Магьачкъала музейни директору Зарема Дадаеваны ишинден азат этгени бек тамашагъа къалдырды. З. Дадаева музей ишни герти устасы экенни тезден берли билемен. Мен тюгюл, кёплер де шогъар мюкюр бола. Тек шагьарны башчысы башгъачалай ойлашагъангъа ошай ва ол ювукъ арада не йимик къарарланы къабул этежегине къарайыкъ. Магьачкъала – бизин шагьар!
Тек шагьарны башчысы къабул этеген къарарлар бир тюрлю соравланы тувдура. Уьч йыл алъякъда Дагъыстанны тахшагьарыны ишлери Москвадан гелген сынавлу, бажарывлу, гьакъыллы жагьил адамгъа, Салман Дадаевге тапшуралажакъ деп хабар чыкъгъанда хыйлылар гьакъ юрекден сююндю. Сонг гёнгю чыкъгъанланы сёзлерин такрарлай турмайым. Тек С. Дадаевни хыйлы пакарсыз ишлерини арасында, ону законсуз къурулгъан биналагъа къаршы юрютме башлагъан гьаракаты эл арада якълавну таба эди ва разиликни тувдура эди.
Амма Р. Къазимагьамматов шагьар гьакимликни уллу шанжалына олтургъандокъ, оьзюнден алдагъы башчысы гери уруп тургъан къараргъа къол салгъан ва Ленинчи комсомолну атындагъы гезев бавда алаша кафени есисине шону орнунда 11 къабатлыкъ къонакъюйню къурмагъа ихтяр берген. Кафени герти есисини аты ва фамилиясы ким экенни Интернетден парахат кюйде билмеге боласыз. Жамият къувун гётергенде, шагьарны башчысы кафени есисин чакъырып, къурулуш ишлени гьалиге аста къоймакъны тилеген, тек огъар шо ерде уллу къурулушлар оьтгермеге ихтияр берген къарарын гери урмагъан.
Дагъы да, мени шагьар башчы болуп къонушгъан адам къуллугъундан пайдаланып, Магьачкъала музейни директору Зарема Дадаеваны ишинден азат этгени бек тамашагъа къалдырды. З. Дадаева музей ишни герти устасы экенни тезден берли билемен. Мен тюгюл, кёплер де шогъар мюкюр бола. Тек шагьарны башчысы башгъачалай ойлашагъангъа ошай ва ол ювукъ арада не йимик къарарланы къабул этежегине къарайыкъ. Магьачкъала – бизин шагьар!